صوت أذان الفجر لسه فاكره بيكى
لما كُنتى تقولى ياللا . قوم نصلى
كُنت بسمعلك تمللى وكنت بتمسح فى توبك
تبتسم روحى وتقولى إن أنا أول عيوبك
إنى غيرك ,, إنى واحد من ذنوبك
تسرقى التوهه بنباهتك ,,تدفنينى بين جفونك
وأفتكر إنى سبقتك ,, أجرى وأتوضى ف عيونك
طفل مكسوف من برائتك ,, حاشى لله لو يخونك
واختم الركعة وأسلم . وأمشى ليكى ألف سكة
مانتى ليا صوت ضميرى , وإنتى فيا أحلى ضحكة
وإنتى فيا زى زمزم . وإنتى ليا زى مكة
يسألونى الناس عليكى , مين لنبض القلب مالكة ؟
بإختصار ياخواننا عاشق ,, بنت تشبهه للملايكة
. . .
. .
.
عاشق أنا
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.