الأستاذ الشاعر :: كاشف عبدالجواد .. فى قصيدته العامية " مبتوحشينيش "

لأنك عايشة جوايا
بهمساتك وكلماتك
وسكناتك ياحلوه
وكل حركاتك
وإحساسك
إللي ماله مثيل

مبتوحشينيش ...
مبتوحشينيش أبدا خالص
قوليلي ح توحشيني إذاي

صورتك
معكوسه ف النني
ولوكنت بعيد عني

مقدرش البعد يفرقنا
دحنا ياحببتي م صدقنا
بقينا إتنين

والحب تالتنا
واليل سهران أهو معانا
حالف ليمشي على هوانا

والقمر والسمر وانا وانت
كلنا كدا أهو ...
بقينا عيلة ... ياااااااه‍ ...
ياه‍ ياجميلة ...
بحبك !!!
************************
Kashef. 3 - 2 - 2017.