الشاعر الكبير / إبراهيم الفيراوى ..: فى قصيدة عامية مصرية بعنوان ( ميراثك )
العيون اللي كنت بمشي جوه منهم
اجني ورد محبتك لحظة سجودهم
ازرع الود ال حريره يلف فرحي ب الحنين
ال محتاجينه من رموشك
لما طلعت سكتي ف قلب السواد
ال فيه وحوشك
خفت منهم ....... اتخرست
طلعت اجري م الفزع
الم حلمي ع الورق
اللي اتحرق....اللي اتصلب .....واللي اتشنق
انقذ الجزء اللي باقي م الغرق
اغطس ...... اقب
الاقي قلبي جوه منك اتسرق
فتحت سترة الاشتكا ف ساعة الهرب
طلع البكا شايل دعا قلبي اللي حب
صرخت نفسي اكرهك
او حتى اني العنك
اخلع النعل ال ف راسك و اسئلك
راح فين ميراثك !!! ؟؟؟
والليل يكحل ف الجفون السهرانين
فوق جبين وش القمر
ونسمة الود الشذيه....... المستحيه
معطره بريحة العرق
تبلسم المحنه اللي زاعقه
فوق ملامحي بالقلق
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.