** --- عظيمة يامصر --- **
ساعات نصرخ في السنين بالصوت
كفاية حرام شبعنا جحود .
برغم الآها جونا بننزف موت
ونصبر ع السنين يمكن توافي وعود .
حاجات فينا ساعات بتموت
ويبقى الحلم امل موجود .
كتبنا ع السطور روايات
وتهنا في ظلام الموت .
اكيد الحرف هيغني بنبض الصوت
ويرجع بينا الزمان واقف بكل صمود .
انا المصري بكل ثبوت
انا وانتي خلاص هنعود .
بقولهالك في عز سكوت
وبدعيها في صلاة وسجود .
فداكي الروح يا أم الدنيا والملكوت
حماة نيلك وطين أرضك في كل حدود .
جنود واقفة بكل ثبات
نسور حالفة تعيد النصر للأمجاد .
بنكتبلك في كل ساعات
اغاني الفرح والأعياد .
واغنيها في حلم مات
يجدد فيكي امان يا بلاد .
** -------------------- **
واغنيها
اشوف في بلادي ساعات فرحة
عروسة جميلة ولبسالي في يوم طرحة .
اشوف واسمع اغاني النصر
نشيد وطني عظيمة يامصر .
يعود بينا الزمان تاني
نرجع مجد أجدادي .
** -------------------- **
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.