يا اللى حبك
يا اللى حبك كل توبى
يا اللى طينك كان حيطانى
ما انا وعدى ومكتوبى
اعيش مظلوم فى توب جانى
واعشق فيك وادوب ودوبى
وارفع فوق فوق فى سجانى
واستر فى عمى عيوبى
واقول عشتى يا اوطانى
واشق يوماتى فى جيوبى
واقول حسرة يا ورد آنى
عشقتك مهما كان دينك
وكنت من محبينك
ما انا نبتى من طينك
وانا الفانى عشان عينك
عشقت غلبى فى كمينك
وهمى ف غسل مواعينك
وانا اللى شبابى بيزينك
يا مصر بنيت دواوينك
كتبت الشعر فى جبينك
وبعتى ناس شاريينك
ورحتى للى بايعيينك
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.