الشاعر المبدع / مصطفى قمر .....فى كلمات بعنوان **باختصار**

باختصار
باختصار الحل راحل
لما يبقى الليل نهار
لما تتحل المشاكل
لما اشوف ف الكون عمار
لما يبقى الحلم كامل
مش كسوف فيه انكسار
ايوة راحل ليه اماطل
لو رحيلى دا احتضار
فيها ايه تقول لى فاضل
البسيطة غير دمار
فيها ناس هبلة وعبيطة
كارهة كل لون خضار
يبقى ليه العيش حطيطة
وسط ناس تلعب قمار
العرب نايمة غطيطة
والديابة فى الديار
والكبير فيها لخبطيطة
شا دد على عينه الستار
ايوة راحل يمكن القه
الخلاص كان فى الفرار
كان ف صدرى الف طلقة
شايلة حسرتها بمرار