من حرفيات الشاعر / أحمد فهمى .. قصيدة بعنوان ( أنا العاشق )
علي شباكي زرعت الورد
.
وسميت الورد علي اسمك
.
صبح شباكي بلون الفرح متلون
.
قالولي العشق بيموت
.
لكن حبك دا كان لي حياة
.
اكيد الصُبح هيطول
.
عشان الصُبح من نورك
.
وانا بنورك
.
اكيد عايش وف الجنة
.
انا العاشق
.
وانا السهران
.
انا ودمعي سهرنا الليل
.
بنكتبلك
.
انا الحي اللي كان ميت
.
بيندهلك
.
انا العطشان
.
رويت العمر من حبك
.
زرع بستان
.
لقيت الورد يشبهلك
.
في كل مكان
.
ناديتك بعلو الصوت
.
انا الحي اللي كان ميت
.
انا عاشقك
.
وحق النور اللي كان موجود
.
ورب السما والكون
.
انا عاشقك
.
انا العمر اللي كان قبلك
.
ماليه صاحب ولا احباب
.
انا الخالي من الدنيا
.
نفيت العمر في الاوهام
.
انا العايش بلا نورك
.
سجين الحزن والحرمان
.
انا الحي اللي كان ميت
.
بندهلك بعلو الصوت
.
بقيت عايش علي نورك
.
وبقسملك برب الكون
.
انا عاشقك
.
حرفيات شاعر
...
احمد فهمى
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.