الشاعرة الرقيقة / منى فهمى ..: فى قصيدة جديدة بعنوان ( كام كسره )
كام كسره ف قلبي الضعيف
شاهدين علي قسوة زمن
كلي مرار حزن وانين
وايه التمن ؟؟؟
دمعه شافوها
ف العيون حزنوا عليا
ومين أكون ؟؟؟
أنا صفر مكتوب ع الشمال
انا هم فوق اى احتمال
وحزني منقوش ع الجبين
وانا ابقي ايه ؟؟
برواز عليه حبة رتوش
علي حيط قديم
مليان شقوق
تحكي بدهشه ع الزمن
ومراية باهته فيها صورتي
و انا مش انا !!!!!
متحشرجة ف حلقي الاغاني
متالمه حد الانين
وانا ابقي مين ؟؟
ع الوش مرسومه ابتسامه
وجوايا حزن سنين متسلسلين
وروحى طايره ف المدي
والعمر راح منى انقضي
و خلااااااااااص ياحزن
انا خدت وعد
هكسر جدار صمتي
وابوح ب اللي جوايا
واخمد نيران حيرتي
وانسي مري واسايا
هفتح لي صفحة جديده
واملاها بالامال
وارسم طريق للفرح
وامشي لسنين قدام
واياكي تبكي ياعين
هنحقق الاحلام
#قلم ينزف #انين
بقلم #مني فهمي
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.