***سكوووووووووووووت***
قصيدة بالعامية المصرية
بقلم الشاعرة / أميرة الأحلام
فتحت شباك الامل
وسط دوامة الحياة
شفت نفسي تايهة حايرة
جوه مني الف ااااااااا اااه
شفت اني واقفة وحدي
زي شجرة بدون فروع
ماشية ساكتة ف سكة ضلمة
في طريق ملوش رجوع
شايفة قلبي راضي ساكت
بينتحب من غير دموع
فجاءة قلبي جاتله رعشة
قام رقص بين الضلوع
هاتف الصمت نادلي
والامل جاي ف خشوع
ومركبة بالفرح جاية
دوسي حزنك والخضوع
افتحي للبسمة بابك
الطريق مفروش شموع
تلقي اخر السكة نبضة
رحمة من عند اللاه
يتفتح للحب قلبك
تحيي جواكي الحياة
.
..................................... أميرة الأحلام
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.