قصيدة بالعامية المصرية ( ياحرف حزين ) : بقلم الشاعر الأستاذ / جبريل رضوان
ياحرف حزين من قلمي
ومكمل الكلمة وبالعافية
حزين كده ليه ومستغرب
بعيدة عنك البسمة
بتستغرب عشان الناس
قلوبها خلاص بقت جافيه
عشان البسمة والدمعة
ف حياتنا ببت زايفة
وماشين الخطاوي زق
ودايسينها وبالعافية
قلوب مكسورة ف الدنيا
مفيش حاجة بقت صافية
وناس ماشية تدوس ع
الخلق وقلوبها بقت جافية
وفى قلوب خوفها جواها
ومرتعشة وكمان خايفة
ياحرف كمل الكلمة
وخلصني بلاش رعشة
ااااااااااااااا
ياحرف حزين خلصني
عشان اكتب عن الاحساس
عسان الكلمة ونحس
بقلوب الناس
عشان اعرف الواطي
ومين هوه اللي قلبه ماس
واشوف الصورة قدامي
واسجلها انا ف كراس
ونتكلم كلام واجب مايجرح
حد وكلامنا بميزان حساس
ولما تكمل الكلمة حانشرها
عشان تكون لنا نبراس
عشان عمرنا الغالي
مايعديش كدة ببلاش
ااااااااااااا
........................ جبريل رضوان
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.