(((((((((((سوريا))))))
)))))
لهفي عليكي ياسوريا
ولهفي أكتر عالولاد
دول ياعيني لسه نبته
لسه معرفوش البعاد
لسه لسه القلب الابيض
لسه لسه النيه بيضا
أبدا ماعرفوا كره
لسه ما قسيوش عالعباد
عمر الملايكه ماتجتمع
ف حته واحده مع الشيطان
عملوا إيه في عمرهم
لجل يدوقوا الهوان؟؟؟؟
فين حلمهم؟؟؟....................
ليه ظلمهم؟؟؟
حسبي الله عللي يحرق القلوب
حسبي الله علي كل ظالم
إستغفروا يمكن يتوب
حسبي الله عللي
يجي عالعباد العُزل
اللي ما حملوش السلاح
ماحملوش إلا ورده بيضا
بقيت بلون الدم..........
لون الدمار
ربي قادر ترجعي ياسوريا
واحه وحاسه بالآمان
ربي قادر يرجعك...
يحعلك تبقي حته من الجنان
ربي قادر ..............................
وحده قادر
ياشعوب بتتعامل
بألف وش وألف لون
يالا ردوا ولا خرستوا
واتمنع منكوا الكلام
فين الحقوق ؟؟
ياللي بتنادوا بالحقوق؟؟؟؟؟
فين حق البشر؟؟...................
ولا بتنادوا وبس
علي حق الكلاب
طب كنتوا قبله
دوروا علي حق البشر ..........
حق العباد
دا القلب واجعني
والعين حاسه بخوف
والقلب من كتر الوجع
قاعد يشوف
والعين مانشفت من البكي
وبتسأل إزاي تهون
يابلد ياأصول كرام؟؟؟؟؟
واله كفايه ياعدا
واسمعوا صوت الآدان
إرحموا أهل البلد
دول نفسهم يرجعلهم رمل البلد
وكل رمله بدمهم
شربت وبكت
علي كل حته من الضنا شافت عذاب
إرحموا ......اليوم دا يومكم........
وبكره الدايره تنقلب
وبرضه تدور
إوعوا إوعوا
دي القلوب إتملت من ظلمكم بحور
بحوروحالفه لاترجع البلد
طاهره عفيفه
زي البدر اللي نزل من السما...............
بدر البدور
وانا جوايا وجع
وعلي حقك ياسوريا
كلنا لازم نثور .
...................................... بقلم : سهير بدران
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.