الحب امان
بقلم الشاعر / أحمد إسماعيل ،، شاعر العرب
الحب امان مش خذلان الحب عطاء مش حرمان
الحب قيثاره من الجنه تسمع فيها اجمل الحان
الحب ده بحر مالوش اخر ولافيه مرسى ولا فيه شطئان
الحب ده نعمه من ربك انت وعشقك وقمر سهران
الحب بيطهر ارواح ان كان بشرى او كان حيوان
فيه حريه وكله سعاده كله تسامح وكمان غفران
اوعى ف مره تنسى حبيبك تترك قلبه مشغول حيران
الحب دليل حتى الاعمى عارف دربه وبدون عنوان
الحب كمان صدره حنين ولافيه قسوه ولا فيه احزان
الحب طبيعه خلابه باهى المنظر \ زاهى الالوان
اوعاك تكسر قلب حبيبك كلمه \ صالحه لايكون زعلان
.
.............................................................................................. أحمد إسماعيل
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.