** يوم جديد :
بقلم الشاعرة المبدعة / مريم كباش
عا لكون يطلْ نهار جديد
قصايد محبةْ .. وفرحْ
نبض قلوب ترددا
وشمس تسطع بالأمل
بمواسم خير.. توعدا
يايوم جديد ..!
شِقْ العتمْ واللّيل
أحلى صبح فيك ابتدا
يانسمات المحبهْ
وتغريد العصافير
وعناق الورد للنّدى
ياحلم بعيون البراءة
يفتِّح بالقلب زهر
ويتثر عطره عا لمدى
و الجوري والياسمين بالسرّ يهمس :
ياعشاق كونوا سوا على دروب الهدى
وبلادي الحزينة تلملم جراحا
وتضحك للفجر وتنادي :
أنا رغم الوجع صامدة
بأرضي يمشي الفدا
يايوم جديد ..
على وطني طِلْ ..
اغسل جراحنا بالغار والفل
لملم الدمعات من عيون الكل
بكحل الفرح والنصر زَيِّن عيون بلادي
وبعزيمة أكيدة تتحدّى الرّدى ..
يايوم جديد عم تشرق وتهل
تعال متل الأحلام
أسعد الأيام ..
وما متلك حدا .
.
،،،،،،،،،،،،،،،،،،،،،،،،،،،،، مريم كباش
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.