كل عيد وإنتى
.
لسه عنوان الوريد
.
كُل سنة وإنتى
.
أحلى ورده ف كل عيد
.
حُضن بتمسح فى ضِله
.
قلب مُشتاقله وبقوله
.
إنى مخلوق م الصعيد
.
يعنى خايب إهتمام
.
يعنى تُبصى ف عينى أسكُت
.
وقت ماتحبى الكلام
.
يعنى جاهل ف إللى بيسموه دلع
.
يعنى فاشل إنى أدادى ف البنات
.
وإنى صعب وممتنع
.
وإللى ساكن جوه ليكى
.
كله بركان من سُكات
.
بس عاشق
.
كل لامحة من ملامحك
.
من حروفك
.
قلب صادق تاب وصلى
.
ألف ركعة بين كفوفك
.
سمى وإتوضى ف عيونك
.
قلب ساكن كونه كونِك
.
قلب مش ممكن يخونك
. . .
. .
.
عاشق أنا
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.