الشاعر القدير / مصطفى ابو عمر ..........فى قصيدة بعنوان ((يا مصر))

يا مصر
يا مصر عمرى الضحية
عايش فى ايد جلاد
ازرع تقاويكى الهنية
واعيش يدوب بالكاد
واحصدها ذل وأسيه
ويشمتوا الحساد
انا اللى عمرى شاريكى
من اول الاجداد
وانا اللى شقايا با نيكى
يا ورث للأحفاد
وانا اللى عرقى ساقيكى
هينزلونى فى مزاد
بقى كل شئ بضريبة
حتى النفس لو عاد
جلاد طباعه غريبه
يحصد فى كل حصاد
بقى كل شىء بفاتورة
يا الدفع!!؟يا الابعاد!
فيه ناس كتير مأجورة
تصقف لكل فساد
فى زورى حاجة محشورة
عاملة فيه انسداد
لا متى نلعب كورة
ونضحى بعمر الولاد