الشاعرة الرقيقة /زهرة يونس....فى قصيدة بعنوان ((حبة فرح))

حبة فرح
للشاعرة زهرة يونس
اسرق من عمرك
حبة فرح
وسطرهم جوة الألبوم
خد صورة لنفسك
وقت الضحكة
ماهتصاحبك
علشان .. دة اكيد
راح تيجي ف يوم
وتطل بلهفة على الألبوم
لاجلن تقدر لحظة تعاود
الذكرى ..تدوب اي هموم

تجاعيد الحاضر وقساوته
بكرة تحن تعود ليها أوام
بتقول تفاصيلها
..صحيح توجع
الوجع انك هتكون ندمان
انك ماقدرتش تعشقها
دي الضحكة بتغلب اي آلام
انك مافهمتش معانيها
لاجل تحقق كل الأحلام
مستني المستقبل يطرح
و موفر جهدك للأوهام
حبة فرح