(ومين مرتاح )
💔💔ه💔💔 ومين مرتاح يا قلبي
مين مرتاح
والهوى في قلوبنا
ساكن بسيف دباح
قلوب من السهد سهرانه
وقلوب في الحب حيرانه
وليلها جراح
قلوب عايشه ومش عايشه
وليلها صباح
قلوب تبكي قلوب تشكي
وقلوب ما تعرف الأفراح
ياما قلوب في الهوا دابوا
وياما قلوب شربوا عذابوا
وياما حب ولى وراح
ومين مرتاح يا قلبي
مين مرتاح
لا أهل الحب فيه تابوا
ولا القلوب بالحنين شابوا
وصوت النبض طير صداح
يطيرفوق كل مينا
ويصاحب كل سفينه
عايش بقلب من غير مفتاح
قلوب من حبها هاجرت
وأرواح بأشواقها سافرت
واللقا في الغرام أرواح
ومين مرتاح يا قلبي
مين مرتاح
💔💔💔💔💔💔💔💔💔💔💔💔💔💔💔💔💔💔💔💔💔💔
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.