شعر عامي بعنوان ياحلو / للشاعرة السورية رانيا سعيد
يا حلو!!
يا حلو يلي على صدرك
بتغفى قصايد شوق وبيزهر التفاح
اغزلني على وراق الزمن
قصة حلم خلف أبواب مقفولة
وبأيدك المفتاح...
ياغنية الشوق فوق عرايش هالقلب..
ارسمني متل بسمة طفل ع زندك الأسمر
و خلي القلب بدقات الشوق صداح!!
من ريحة عطرك يا عمري
عمري حلي ...
وع جبينك العالي كتبت قصة وفا
وأشعار ...وغناني فرح وخبار....
ارسمني متل خاتم دهب ع اصبعك
وحكيني قصة عشق زهرت فوق سطوح
هاك الدار..
رح قلك ياحلو على سري وصونو!!!!
بحببببك!!!
ولعيونك بكتب كلللل هالأشعار !
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.