الشاعرة الأديبة الأستاذة / أمال عميرة ..: فى رائعة بعنوان ( ياناعسه )
ياناعسه
ياناعسه داب ايوب من المرض والكرب
ياناعسه طمع الجبان فيكي والي ماعنده نخوه عياب وعمره ماحب
ياناعسه باعوا واشتروا فيكي وساوموا علي شعرك يايشتروه برغيف ياماياكل حبيب القلب
ياناعسه اه ماالكلاب لم تحكم الاسياد بيرخصوا اللي غالي ويعملوا مايعاب
لكني انا اعرفك صامده في وش الريح لاعمرك ملتي لهوي وعمرك ماتعلي بجح و كسيح
المهم انهم هانوك والشكوي للمجاريح
ياناعسه ضمي الجراح واحبسي المك
لان الاعادي كتير وعايزين شماته وعتاب
ياناعسه كل اللي هناوك محتاجين لعقاب
ياناعسه والله عالم للعلن والسر ياناعسه انت جميزه صامده وتوته ووتد
ياناعسه انت البدايه وانت اللي حدوته
ياناعسه ان الاوان وعاد غريب الدار
وخف وطاب ياحببتي وقال هاجيب شعرك
ولا يفرحوا العدا ولا يلمسوا جرحك
ياناعسه عادايوب ودخلوا الثعابين في الشقوق
خلاص هيرحع لك حقك وتعودي متصانه
اللي خانك وباعك هيلاقي عذاب وجراح
ياناعسه بقي اصمدي واللي خانوك اصبحوا في يوم وليليه خدامك
ياناعسه خدي بالتار وردي القلم قلمين
اوحتي اضربيهم وارميهم بره الديار
لاتعاشري خاين خسيس وجبان
ولاترحمي خوان ياسلام علي الناس لما تجري وراء الرايجه لاعامله حساب للعيب ولاتخاف بقي الرب
ياناعسه الله حقيقي بيرضي كل اللي تعب واللي بالله اعتمد
ياناعسه بقي افرحي وغني نشيد الامل وسمعيه للحبايب
اروي شجر التوت واجلسي تحت العنبه وخلي العدو يموت
ياناعسه ان الاوان وعادت الحياه بمبي
ياناعسه الصبر كله خير بيجمل الايام
ياناعسه عدت بخير فاشكري ربك
وخلي عينبكي في راسك لاعمر حد يقربك ولايتوه الطريق منك
عرفتي عدوك من حبيبك وعرفتي فك قيودك القيود
وقتل حراسك
ياناعسه يومك بدي اعلني بقي خلاصك..... .. شعر
امال عبدالرحمن عميره
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.