الشاعر المبدع /مصطفى قمر......فى قصيدة بعنوان ((مصر بهية ))

مصر بهية
هوه دا حالها بهيه
عمرها بالمحسوبيه

والغنى بايع القضية
والفقير هوه الهفية
الغنى فى فقير يدوس
كل شىء عنده الفلوس
والفقير ابن المجوس
يتفعص زى الناموس
هوه دا حالك يامصر
كل وقت وكل عصر
تعصرينى اقسى عصر
لاجل غيرى يبنى قصر
صبرى فيكى كان طويل
حبى ليكى بدون بديل
وبتطلبى من الرحيل
وتحمى ليه كل عويل
وانا اللى زارع لك نخيل
وانا اللى شقيت فيكى نيل
وان اللى فى الصحة عليل
طرحى فيكى كل جيل
وكان حصادى دموع وويل
الغنى ضل السبيل
والفقير عايش ذليل
ماله لقمة ولا له كيل
ربى قادر يمحى ليل
مهما طال فجره بديل
يحىى الامل فى يوم نبيل
واللى عمل كيد هتدوسه خيل