الشاعر الاستاذ /مصطفى قمر .......فى قصيدة بعنوان(( يا مصر حرة))

يا مصر حرة
لفيت دروبها مكان مكان
وفصلت توبها كان توب جنان

كام توب مشجر زاهى الالوان
اخضر واصغر وابيض كمان
زينت رسمه بغرس الريحان
وعند حسمه كنت الحصان
انا اللى بانى الهرم زمان
وانا السبيل راوى العطشان
انا الدليل وانا الوكيل وانا الضمان
الغرس منى والطرح ننى بسود عيان
والدمع انى والفرح شانى بدون رهان
حاكم سجنى وغصب عنى ابقى الامان
وييجى غيرى ويشوف مصيرى الظلم هان
وف كل مرة بنعيد لكرة وحاكم جبان
وانا اللى باقى اروى الشراقى وازرع رمان
يا مصر حرة وتعيشى درة ومات الجبان
بارض سمرة ووشوق وخضرة مع الزمان
ووجوه تحبك وتحيى طبك وتعلى شان
وولاد تباركك فى فرح تشاركك وسط الجيران
والنيل دا نبعك يروى لشطك نبع الحنان
ويغرس لوردك ويبنى قصرك عالى الكيان